الثلاثاء ٠١ - يوليو - ٢٠٢٥ ٠٧:٣٩ مساءً

أربعة أسئلة

الأحد ١٦ - أبريل - ٢٠٢٣ ١٢:٠٠ صباحاً

نص السؤال:

السؤال الأول : انا محتاج مساعدتك في ايجاد طريقي للايمان انا وصل بيا الحال في عدم اقتناعي بالاسلام لاني اكون لا ديني وبعد بحث طويل وعلي حال من قله الايمان سنين كنت عمال بتوصل للحقائق عن الاسلام خلتني ابدا افهم ان انا غلطان المشكله في الاسلام المشكله في الناس! ولما شفت تصرفات البدو والارهاب والافعال الغلط الي ادت لاتأخر دوله زي مصر من الجانب الفكري المتأثر دينيا لقيت بشكل كبير ان الاحاديث دايما كانت مشتركه مع كل شيخ وكل مسلم في تبرير حاجه غلط هو بيعملها فا كان عندي حلين يا اقول هو دا الاسلام زيهم ودا معناه اني ابقا لا ديني لاني مش هقتنع بدين كدا يا اما بقه اني اتخلى عن الاحاديث. في الفتره مابين معرفه حقيقه الاحاديث وتاريخ الاسلام بعد الرسول كنت خلاص ايماني ضعيف جدا في حاجه غلط… وربما اكون كنت الحدت… لحد لما عرفت قصه ان الاحديث كتبت بعد ٩٠ سنه من وفاه رسول قال محدش يكتب ورايا حاجه عشان ماتخطلتش مع القران وتبقا مصدر للتشريع زي ما بيحصل حرفيا دلوقتي! لحد لما لقيت ان الناس مش متقبله فكري ورايي في الموضوع دا واعتبرت كافر ومنكر سنه وكلام كتير كدا علي ان يعني انكار السنه كفر او عمره كان مسمى لحاجه في الاسلام. المهم انا عندي ١٨ سنه ولسه الي حد ما متلخبط وانا عايز احط النقط والحروف ولما لقيتك اكتشفت انك متوصل لنفس النقط الي انا لقيتها. قولت لا يبقا كدا في حاجه انا تقريبا علي طريق صحيح. لان بيقولك في التجارب العلميه يشطرت ان عشان التجربه تبقا صحيح ان لو اي حد تاني عملها يوصل لنفس النتيجه ودا حرفيا الي شفته معايا. انا محتاج حضرتك توجهني انا عايز اشوفك عايز اتعلم او عايزك تقولي اعمل ايه اشوف الدنيا ازاي وازاي يبقا عندي هويه اسلامي ان في امريكا احتكاكي بالمصريين كلهم تقريبا مسيحين بس مش عشان سبب معين هي بالحظ كدا. بس الي قصدي اقوله ان مفيش حد زيك حوليا ومفيش منك كتير. السؤال الثانى : لما اجي اصلي الجمعه وانا عارف ان الشيخ دا لو عرف ايماني في الاسلام اني باخد القران ولا شيء غير القران هيكفرني والخ… ابدء اصلي عادي؟ ولما اخلص اقوم اروح وخلاص؟ انا لما ادخل مسجد ادخل مسجد سني؟ ولا لا، علي اعتبار اني مسلم فقط ولا اؤمن بغير ذلك مما يفرق الناس في دين واحد. لان دي اكبر نقطه بتدايقني لما كنت اروح مسجد. انا اسف لو اللغه العربيه مش كويسه بالمناسبه دكتور احمد انا احب اعرفك عن نفسي. انا مصري مواليد القاهره تميت ١٨ سنه من تلت شهور جيت امريكا لوحدي من فتره ومازلت لوحدي عايش في نيويورك في اوضه صغيره. بدرس طيران. السؤال الثالث : دكتور احمد انا بحثت في موضوع شائك شويه وصعب الاقي فيه اجابات ممكن حضرتك كواحد باحث اكبر مني سناً تعرفه… دلوقتي حوار صغير مع امي في موضوع الحاجاب وقفت عند نقطه بسيطه في البس اثناء الصلاه. مع العلم اني قرأني وبحاول انشر الفكر دا او قدرت وبناشد بيه ومابخفش من حد. ولكن جت نقطه اللبس البنت في الصلاه وماعرفتش الحقيقه… هل لازم الحجاب الي المفروض ملوش علاقه بالاسلام ولا انهي لبس بالظبط الي لازم المرأه والرجل ياخدوا بالهم منهم في الصلاه مثلا؟ انا شفت حلقه لحضرتك بتشرح ازاي الاسلام ملوش زي رسمي.. بس لازم نحافظ علي بعض الضوابط اتوقع ان حضرتك قولت ان البيكيني مثلا فيه تجاوز او كدا مش فاكر تفسريك هرجع للحلقه تاني في النقطه دي . طبعا السوال هنا لو مش واضح هو هل في زي او مواصفات للبس في الصلاه للبنت او الرجل؟ . السؤال الرابع : السلام عليكم .. دكتور احمد من المعلوم ان الانسان لا يرى الجن بصورته كما اثبت القرأن (الاعراف 27) . هل النبي سليمان كان يكلمها ويتحاور معها دون ان يراها ..التراث يقولون انهم كانوا يتشكلون بشكل بشر وهكذا كان يراهم سليمان ..وانهم يستطيعون ان يتشكلوا بالحيوانات المعروفه لنا او بصورة الانس ...هل ينفي القرأن هذا الزعم ؟

آحمد صبحي منصور :

إجابة السؤال الأول :

من حُسن حظك أنك بحثت عن الحق مبكرا فى شبابك . أهلا بك فى موقع أهل القرآن وقناة أهل القرآن . الاسلام الذى نؤمن به هو السلام مع الناس والتسليم للخالق جل وعلا وحده ، بأن نعبده وحده ونخشاه وحده . باختصار هو التقوى ، أى أن تتحكم فى غرائزك ما إستطعت بحيث لا تظلم أحدا ، وألا تظلم رب العزة بتقديس بشر أو بتقديس أحاديث خلاف حديث الله جل وعلا فى القرآن الكريم . لا يلزمك أن تتعمق فى التفصيلات ، يكفى أن تُحسن للناس وأن تؤدى الصلوات الخمس وتتصدق وتحج إن إستطعت وتصوم وألّا تظلم أحدا. عليك أن تعلم أن هناك يوما للحساب ، وهو يوم العدل المطلق الذى يحكم فيه رب العالمين مالك يوم الدين بين البشر على ما عملوه وما كسبته أيديهم ، ثم بعده إما خلود فى الجنة أو خلود فى النار. إن كل متاع الدنيا لكل البشر لو أتيح لفرد واحد لا يساوى دقيقة فى الخلود فى الجنة. وكل عذابات الدنيا لجميع البشر لو حدثت لشخص واحد فهى لا تعادل دقيقة واحدة من الخلود فى الجحيم . لذا على المؤمن أن يستعد لهذا اليوم ليكون من الفائزين . هدانا الله جل وعلا واياك الى الصراط المستقيم .

إجابة السؤال الثانى :

تصلى فى أى مسجد طالما لا يوجد فيه قبر مقدس . لا تصلى خلف إمام من المحمديين يقرأ التحيات ويشهد شهادتين لا يكتفى ب ( لا إله إلا الله ). ، ومن الأسلم أن تصلى الجمعة ظهرا فى بيتك . وأدعو لك بالنجاح والتوفيق يا ابنى العزيز .

إجابة السؤال الثالث :

تعرضنا لموضوع زى المرأة وزينها فى حلقات فى قناتنا أهل القرآن ، وفى مقالين قديمين ( يسألونك عن النقاب ) ( البكاء غدا على أطلال وطن ) وفى مقالات أخرى فى كتابنا عن التناقض فى تشريعات المرأة بين الاسلام ودين السُنّة الذكورى . وهو كتاب نواصل نشره فى مقالات . أرجو أن ترجع لهذا كله .

إجابة السؤال الرابع :

القصص القرآنى لا يخبر بكل التفصيلات ، وما لم يذكره الله جل وعلا هو غيب لا نتكلم فيه بغير علم .

مقالات متعلقة بالفتوى :

اجمالي القراءات 2664

التعليقات (2)

1 تعليق بواسطة د. عبد الرزاق علي في الإثنين ١٧ - أبريل - ٢٠٢٣ ١٢:٠٠ صباحاً

[94231]

بارك الله فيكم أستاذنا على مسيرتك الحافله بالتضحيات والتنوير

بارك الله فيكم أستاذنا الفاضل الدكتور أحمد صبحى على تنوير الناس وتعريفهم بدين الله تعالى الحقيقى وفضح هؤلاء التراثيين ورواة الحديث- وهذه الاسئله رغم أنها تتكرر عليكم كثيرا وعلى منصات التواصل الإجتماعي فهذا يدل على مدى انتشار الفكر القرآنى وتأثيره بفضل جهودكم فالله يجزيك خير الجزاء عن مسيرتكم الحافله بالعطاء والتنوير

2 تعليق بواسطة آحمد صبحي منصور في الإثنين ١٧ - أبريل - ٢٠٢٣ ١٢:٠٠ صباحاً

[94232]

جزاك الله جل وعلا خيرا أخى الشقيق د عبد الرزاق منصور ، واقول :

1 ـ لم يعد كوكب المحمديين كما كان من قبلنا . تغيّر للأفضل . ونرجو المزيد.

2 ـ ليس جهدا فرديا ، ولكن لا ننسى مشاركة الأحبة عبر نضال فكرى استمر عقودا من الزمن ، والأهم من ذلك كله فضل الله جل وعلا وتوفيقه ، نرجو منه جل وعلا الجزاء الحسن فى الدنيا والآخرة لنا جميعا .

أضف تعليق

لا بد من تسجيل الدخول اولا قبل التعليق

بطاقة آحمد صبحي منصور

تاريخ الانضمام	:	2006-07-05
مقالات منشورة	:	5226
اجمالي القراءات	:	61,804,061
تعليقات له	:	5,495
تعليقات عليه	:	14,893
بلد الميلاد	:	Egypt
بلد الاقامة	:	United State