أسئلة وحوار فى زواج المحلل .

نشرنا مقالين عن زواج المحلل ، وهى قضية لا تزال . على الفيس سيدة سألتنى فى مشكلتها ورددت عليها ، ودار حوار ، أنقله لأهميته :  

قالت : اسفة ع الازعاج انا متجوزة بقالي سنة ونص بس وانفصلت للاسف عن جوزي 3 مرات فهو كان اقترح اخوة يتجوزني فترة و بعدها ارجع لة تاني و اخوة و حماتي موافقين و احنا فبيت عيلة فنا رفضت وقولت اعرف هل دا حلال ولا خلاص مينفعش نرجع لبعض تاني  

قلت : هناك طلاق رجعى ، وهناك طلاق نهائى تنفصل فيه الزوجة عن زوجها ، ويمكن أن تتزوج غيره ، أو تتزوجه هو بعقد ومهر جديد . أى نوع أنتى فيه ؟

قالت : اتطلقت 3 مرات انا معرفش الفرق.

قلت : هل كان الطلاق بالمأذون أو مجرد كلام شفوى قال انتى طالق فى الثلاث مرات ؟

قالت : لا شفوي و المرتين الي فاتوا بماذون.

قلت : وهل كان فيه من حضر الطلاق وشهد عليه ؟

قالت : حضر اخوة و والدته لان اتخانقت معاة و طلبت ننفصل نهائي و قالي خلاص دي الاخيرة انتي طالق .

قلت : وهل انتهت العدة بعد الطلاق اللى حضره المأذون ؟

قالت : نعم

قلت : هنا لا بد من زواج جديد بعقد جديد ومهر وبالمأذون . تتزوجيه أو غيره . انتى حرة .

قالت : هو قال ان لازم اتجوز من حد تاني و ارجعلة.

قلت : لا لزوم لهذا . اذا رضيت الرجوع اليه ممكن بعقد زواج جديد.

قالت : طيب ياريت الحمد لله .  لانه ببقول لا اتجوز اخوة و ارجعلة هو . لو اتجوزت اخوه ينفع طيب يبقي بعقد و بس يعني و بعدها ارجعلة .

قلت : ممكن تتجوزى اى واحد ، أكرر لك : ممكن تتجوزى أى أحد حتى طليقك السابق طالما انتهت العدة بعد الانفصال التام .

قالت : هو رافض قال ان مش هيثق الا فاخوة بس ، واخوة دا اصغر مني اصلا بسبع سنين كاملين ،

قلت : ممكن تتفقوا مقدما يكون جواز مؤقت بأخيه ،  وبعده طلاق عشان ترجعى للاول . ولو ما دخلش بيكى يعنى عقد زواج وبس وبعد شوية يطلقك حتى لا تكون عدة عليك يعنى ترجعى للاول . لا يلزم ان يدخل بك بس لا بد من عقد زواج حقيقى.  

قالت : بجد يعني عادي اكتب عقد مؤقت مع اخوة بدون قصة الدخول دي

قلت : نعم .

قالت : طب الحمد لله هعمل كدا طبعا.

قلت : ارجو ان يكون زواجا سعيدا هذه المرة  تتنعمان فيه بدلا من بهدلة الماضى . سلاما وتحية .

قالت : معلش انا اسفة لان دلوقت اتلخبطت انا قلتلة ع الي حضرتك قولتة فقالي ان الطلاق الي فاتوا بماذون فكدا لازم يكون في علاقة بيني و بين الي هتجوزة .

قلت : هذا خطأ . وانا قلت رأيى . وانتم أحرار.

قالت : انا مع رأي حضرتك هو الي عمال يقولي لا لازم دخول .

قلت : انتهينا وعليكم السلام.