وزير الأوقاف والنقاب يا عيني أو يا ليلي مش هاتفرق كتير الجماعة اولاد الحلال دول كل شوية واحد فيهم يطلع بقصة أو موضوع او فتوى توضح انهم لا وجود لهم في الدنيا التي نعيش فيها على الاطلاق وكانهم ماشيين في زفة زي كدابين الزفة أو زي الأطرش في الزفة وبعد ما تخلص الزفة تلاقي كل واحد منهم يطلع لك بفيلم يحسسك انهم مش كانوا هنا معانا في الدنيا والواقع اللى احنا عايشين فيه دلوقتي وزير الاوقاف جاي يقول ان النقاب مالوش اي اساس في الشريعة الاسلامية وهو عادة وليس عباده طيب يا فقيه عصرك واوانك شوف سبب تحويل هذه العادة الى عبادة وفريضة ايه ودور عليه كويس وقاوم من فعل هذا فى عقول الناس وصحح الامر كله لأن المسألة أكبر من النقاب واللحية المسألة أكبر من ذلك بكثير لكن انا عارف انه ان شاء الله بعد نصف قرن تقريبا لو فضل وزير الاوقاف عايش سوف يخرج علينا قائلا ان الحجاب ايضا عادة وليس عبادة بس ساعتها هايكون اخوانا بتوع النقاب والحجاب قبل الحساب اقنعوا القطط والكلاب بلبس النقاب وعدم الاختلاط فيما بينهم في الشوارع لعدم الوقوع في المحظور ولازم يكون معاهم محرم عموما دي حركة جرئية من وزير الاوقاف بس جاءت متأخرة حوالى ربع قرن بس   

وبعدين هاتعمل ايه يا سيادة الوزير في خطباءك وأئمة مساجد الأوقاف الذين أقنعوا زوجداتهم بلبس النقاب ويساعدون نساء المجتمع ويأخذون بأيديهن نحو لبس لانقاب للنجاة من عذاب جهنم وبئس المصير دول أصلا عاوزين غسيل مخ من تاني علشان يرجعوا عن الأفكار اللى حفظوها واتحفرت في عقولهم من الفضائيات ومن الجماعات وما هو منتشر حولهم من الثقافات لأنهم يا حبة عيني كانوا خاويين العقول وغلابة واللى موجود قدامهم واللى بيسمعوه صدقوه وساعدوا على نشره في المجتمع من خلال وظائفهم كأئمة للمساجد فرجالك هم أو م يساعد على نشر ثقافة النقاب فما هو الحل ..؟؟

ليت الحملة تتضمن من بين أهدافها نقاب العقل والتوعية ضد خطورة الجهل على مستقبل أولادنا إن إزالة نقاب العقل هو الأكثر أهمية بالنسبة لنا جميعاً، لأن المرأة هى الأم والأخت والزوجة والأبنة، وهى المربية للأجيال التي من المفترض أن يعقد عليها آمال كثيرة ، فياحبذا لو أزيل النقابين معاً لو حدث ذلك - ولو أنه حلم صعب التحقيق إن لم يكن مستحيلاً- إن شاء الله سوف يكون هناك أمل كبير في التغيير إلى الأفضل.

أحسنت وزارة الاوقاف إذ اتخذت طريق الاقناع وسيلة لتوعية هؤلاء المنتقبات بأن النقاب عادة وليس عبادة،وليت الجميع يؤمنون أن الاقتناع هو أقصر الطرق للوصول الى أى تصرف سليم.وصدق الله العظيم إذ يقول فى محكم كتابه(وجادلهم بالتى هى أحسن).