بعد الحكم عليها بالمؤبد..هند نافع : أنا اللى اتسحلت وهما اللى بيحكموا البلد..ظلمكم مش هيكسرنا

الخميس ١٩ - ديسمبر - ٢٠٢٤ ٠٦:٠٢ صباحاً

English | عربي

اضيف الخبر في يوم الخميس ٠٥ - فبراير - ٢٠١٥ ١٢:٠٠ صباحاً. نقلا عن: بوابة يناير

بعد الحكم عليها بالمؤبد..هند نافع : أنا اللى اتسحلت وهما اللى بيحكموا البلد..ظلمكم مش هيكسرنا

قالت الناشطة هند نافع، بعد الحكم عليها غيابياً بالسجن المؤبد “اتحكم علينا بالمؤبد عشان نزلنا مظاهرة قولنا عيش حرية عدالة اجتماعية.. البلد دى عايزة مننا ايه وبتعمل فينا كده ليه ؟؟؟”.

ونشرت هند عبر صفحتها الشخصية على موقع التواصل الاجتماعي فيسبوك صورة لها وقد ظهر عليها اثار الضرب المبرح تعقيبا على الحكم عليها بالمؤبد مع 229 أخرين في أحداث مجلس الوزراء قائلة :

مقالات متعلقة :

“الصورة دى اهداء للقاضي السفاح محمد ناجي شحاته اللى حكم عليا النهاردة أنا و229 غيرى بالمؤبد عشان نزلنا مظاهرة هتفنا “عيش حرية عدالة إجتماعية” وبدل مايتحاكم الضباط اللى سحلونى وعرونى واتحرشو بيا ودمرو مستقبلى اتحكم عليا أنا بالمؤبد !!

و أضافت ” أنا اللى اتعريت واتضربت واتسحلت في شارع القصر العيني ياسيادة القاضي ، أنا اللى الضابط كان بيمسك الكاميرا فى وشي ويقولى اشتمى نفسك بأقبح الألفاظ ولو ماشتمتش نفسي وانا ببتسم يكهربوني !، أنا اللى خيطولى 50 غرزة فى جسمي من غير بنج كمالة التعذيب!، أنا اللى كلبشوني في السرير فى المستشفي ومنعو عنى الدواء عقابا على طردى طنطاوى لما جه يزورنى “.

واستطردت : “أنا اللى مستقبلى اتدمر وعلاقتى مع عيلتى اتدمرت بسبب اللى حصلى ، أنا الضحية ياسيادة القاضي وهما الجناه، أنا اللى اتحكم عليا بالمؤبد وهما اللى بيحكمو البلد، .. وعلى فكرة ظلمكم لينا بيقوينا ومش هنبطل نطالب بحقوقنا ولا هتقدرو تخرسونا “.

واختتمت هند : كلمة أخيرة ياسيادة القاضي محمد ناجى شحاته انت في حد ذاتك اهانة للقضاء ! وعلى فكرة ظلمكم لينا بيقوينا ومش هنبطل نطالب بحقوقنا ولا هتقدرو تخرسونا !”

يذكر ان محكمة جنايات القاهرة برئاسة المستشار ناجي شحاتة، اصدرت حكمها بالمؤبد و17 مليون جنيه غرامه ل230 من متهمي احداث مجلس الوزراء بينه هند نافع وأحمد دومة، كما قضت بحبس 39 حدث عشر سنوات .

اجمالي القراءات 4084