رساله الى الوطن للمقدم محمد عبد الرحمن .

 

وطنى العزيز ***كلام مش لذيذ

هاقوله ليك فرساله**وانته عارف الحاله
عارف انى شريف**ونمت ع الرصيف
رصيفى فى الداخليه **قدرى داخ ليه
يجيب فرحه مالقاشى**
شريفك ليه ماحباشى
والفهلوى والحرامى*** والمطرب الغرامى

واللى بيلعب كوره **دول كسبوا الفوره
انا اللى قلت لا**دم الشهدا حق
ومن نوع الرصاصه **يتعرف القناصه
وحياه عنيكى ياسمره **معمول ليكى مؤامره
مؤامره ميه ميه **من شله حراميه
تصدقى وتامنى **الانفلات الامنى
من صنع فلول العادلى ***اه لو حقى ماعادلى
يبقى شربت مقلب **لانى رفضت انهب
وحاربت فى الفساد***واللى غطى وزاد
انك انتى يابهيه **عمرك ما حسه بيه
ساعات مش واخده بالك **وساعات عامله غبيه
ضحيت بامانى ووضعى **عارفك لو كنتى وضعى
عارفك هاتقولى باى **مااتباع طومان باى
لا هالعب انا ولا اتاجر وشكلى يامصر هاهاجر

مقدم محمد عبدالرحمن