تحويل مكان (أبو الهول) إلى كُشك سجائر

الأحد ٠٨ - نوفمبر - ٢٠٢٦ ١١:١٣ مساءً

عثمان محمد علي Ýí 2026-08-09

		تحويل مكان (أبو الهول) إلى كُشك سجائر

		طرأت لولي النعم فكرةٌ عبقرية للإستفادة من كل متر أرض، ليُنشئ عليها كباري علوية، وكافيهات، وأكشاك سجائر، ومحلات لبيع الجمبري والجرجير (لأنهم أولاد عم.. هههههه).

		فدعا لاجتماع عاجل للمساعدين وقال لهم:

		"عايز أعمل كوبري يربط أهرامات مصر بأهرامات المكسيك."

		كبير المساعدين:

		"يتعمل في 3 أيام يا ولي النعم."

		ولي النعم:

		"3 أيام إيه يا مساعد انت؟! في 3 ساعات، والساعة الرابعة نتقابل مع ممثل المكسيك فوق المحيط الأطلسي عند مدخل كندا، مكان سفينة تيتانيك، ونقرأ الفاتحة على أرواح المصريين اللي كانوا فيها.. كانوا أولاد خالة جدة جدتي اللي كانت دايماً تقعد جنب الزير الفاضي طول عمره في الأزهر."

		كبير المساعدين:

		"طيب محتاجين 500 مليار يا ولي النعم، هنجيبهم منين؟"

		ولي النعم:

		"هههههه نرفع الرسوم على الرعية، ونروح نشحت من هنا ومن هناك، إحنا هنغلب يعني؟!"

		كبير المساعدين:

		"وهنعمل إيه في تمثال أبو الهول يا ولي النعم؟"

		ولي النعم:

		"هو معاه تصريح مني؟"

		كبير المساعدين:

		"تصريح إيه يا ولي النعم؟! ده موجود في مكانه من أيام آدم عليه السلام لما نزل من الجنة على الأرض!"

		ولي النعم:

		"أيوة.. لكنه مجددش التصريح مني أنا، يبقى نشيله ونطربقه على اللي جابوه، ونعمل مكانه كُشك سجائر ومصاصة وحاجة ساقعة.. نلم شوية فلوس منه ومن الأكشاك اللي هنعملها تحت الكوبري، بدل ما هو قاعد لا شغلة ولا مشغلة!"

		كبير المساعدين:

		"فكرة حكيمة يا ولي النعم!"

		(تصفيق حاد)واشتغلت موسيقى فيلم صاحب الجلالة، وفؤاد المهندس بيقول: "طويل العمر يطول عمره، ويزهزه عصره، وينصره على من يعاديه.. هاي هيء".

اجمالي القراءات 1328

للمزيد يمكنك قراءة : اساسيات اهل القران

أضف تعليق

لا بد من تسجيل الدخول اولا قبل التعليق

بطاقة عثمان محمد علي

تاريخ الانضمام	:	2006-07-24
مقالات منشورة	:	1214
اجمالي القراءات	:	10,127,934
تعليقات له	:	6,527
تعليقات عليه	:	2,769
بلد الميلاد	:	Egypt
بلد الاقامة	:	Canada