لماذا يستمر المهدى المنتظر مُختفيا؟؟؟

الخميس ٠٩ - أبريل - ٢٠٢٦ ٠٧:٤٣ مساءً

عثمان محمد علي Ýí 2025-06-15

	هو المهدى المنتظر فين ؟؟؟؟؟؟؟؟؟

	الراجل اللى إسمه المهدى المنتظر ده راجل خسيس ومعندهوش دم ولا ذرة رجولة .. إزاى يبقى فتوة وهرقل وزعيم العالم فى المُصارعة الحرة ،وقادر على أن يأكل كل أعدائه وأعداء أتباعه فى ثوانى ،وسايبهم وقابع فى قبره يتفرج عليهم !!!!!!!!!

	يا عمهم أتباعك بيتلطش لهم ،أمريكا بتضربهم على وجوههم ،وإسرائيل بتضربهم على قفاهم وبالشلاليت وإنت قاعد سايبهم وبتتفرج عليهم !!!!!!!!! يا أخى عيب عليك وعلى اللى خلفوك أيها الهرقلز

	يا سيدهم إطلع من قبرك إسبوع واحد ظبط لهم الدُنيا وإرجع إتقبر وغور فى داهيةتانى ...... هههههههههههههه ..

==

	إيه أخبار المؤمنين بظهور المهدى المنتظر بتاعهم(سنة وشيعة) ليقضى على الشر ويُقيم العدل ،لسه مؤمنين بهذه الخرافات والخزعبلات ؟؟؟

	وإيه أخبار الجماعة العُبط المؤمنين بشجر الغرقدوبالحجارة التى ستتحدث تعالى يا مُسلم وراءنا يهودى ف ............؟؟؟؟؟؟

	هل هناك إذلال أكثر من هذا ليتكلم فيه الشجر والحجر ؟؟؟؟

	بطلوا عبط وهطل وخيابة بقى ........ فوقوا بقى وسيبوكوا من روايات فشارين السُنة والشيعة ....... فإدارة الصراع علميا وسياسيا وعسكريا وإجتماعيا وإقتصاديا لها علوم وقواعد وأصول وليس بروايات أبو هريرة أو إبن أبو الحديد ولا حتى بروايات حفيد إبن أبى طالب ...... كفاية خيبة بقى ..... متى تستخدمون العلم ،وتستعينون بالعلماء وتركلون أبو هريرة والكاظم والصادق ووووووووو بأرجلكم ؟؟؟؟

	عندما تفعلون هذا ستصل المنطقة إلى توازن قوى حقيقى ،وستعيش فى سلام وأمان ورخاء ورفاهية للجميع ،غير هذا خليكوا عايشين من سىء لأسوأ ومن إنحدار إلى إنحطاط إلى يوم الدين ..

	اللهم بلغت اللهم فأشهد .

اجمالي القراءات 1499

للمزيد يمكنك قراءة : اساسيات اهل القران

أضف تعليق

لا بد من تسجيل الدخول اولا قبل التعليق

بطاقة عثمان محمد علي

تاريخ الانضمام	:	2006-07-24
مقالات منشورة	:	1106
اجمالي القراءات	:	8,639,627
تعليقات له	:	6,522
تعليقات عليه	:	2,754
بلد الميلاد	:	Egypt
بلد الاقامة	:	Canada