- ادخل حملة الشاطر تربح مرسي مجانا.. ومرسى صاحب صاحب مشروع النهضة .. ومسئول الجناح الاحتياطي للنهضة
- الشاطر المرشح الاول فى العالم اللي نزل برنامج انتخابى لمرشح تانى.. والشاطر أردوغان مصر.. ومرسى عبد الله جول
كتب ـ أحمد سمير:
شن نشطاء على موقع التواصل الاجتماعي تويتر هجوما ساخر من مرشح جماعة الخوان المسلمين الاحتياطي للرئاسة محمد مرسي ، و اعتبر النشطاء ان الجماعة تصر على طرح مرشح من التنظيم أيا كان اسمه لتنافس به على منصب الرئاسة بغض النظر عن مقوماته الشخصية.
وتحت هاشتاج #مرسي_الاستبن كتب نشطاء موقع التواصل الاجتماعى تويتر:
ــ انتخبوا مرسي .. ولما حد بيسأله انت خريج ايه؟ بيقولهم: صاحبي مهندس
ــ مرسى صاحب صاحب مشروع النهضة
ــ اذا كان خيرت الشاطر هو يوسف هذا العصر، فـ مرسي هو محمد ناجي جدو الرئاسه المصريه
ــ مرسي حينزل مكان الشاطر وبعد شوية يزهق ويقولهم انا مش عااااصم انا جميييييييز
ــ ادخل حملة الشاطر تربح مرسي مجانا
ــ تعرف ايه عن المنطق يا مرسي؟
ــ الشاطر المرشح الاول فى العالم الذى نزل ببرنامج انتخابى لمرشح تانى
ــ مرسي والشاطر .. أتنين منهم
ــ مرسي مسئول الجناح الاحتياطي للنهضة
ــ الشاطر اردوغان مصر.. ومرسى عبد الله جول مصر.. كله شغال
ــ مرسي صديق يوسف هذا العصر.. والرجل الذي يبدأ تاريخه السياسي برئاسة دولة تسمي مصر
ــ عديل مهندس النهضة
ــ علاقتي بالشاطر زي علاقتك بعمرو اديب بالظبط
ــ الاخوان المسلمين: نحمل الاستبن لمصر
ـــ خد مرسى وعليه شهادة ضمان من الشاطر
