طلباتك أوامر سيادة النائب .

الخميس ٠٩ - أكتوبر - ٢٠٢٥ ٠٤:٠٢ صباحاً

عثمان محمد علي Ýí 2025-09-27

	طلباتك أوامر سيادة النائب .

	سعادة فخامة سمو النائب الأردنى - حسين العموش - يطلب التضحية ب5 أو 10 ملايين عربى من أجل فلسطين .ويقول سعادته وفخامته وسموه ((نحن كأمة عربية بمئات الملايين.. فلنخسر 5 ملايين أو 10 ملايين.. في النهاية نريد الوصول إلى حقنا المشروع.. فاستعادة فلسطين تستحق التضحية".)) ..

===

	التعقيب ::

	سؤال لسمو الدكتور النائب الأردنى -حسين العموش ........... سعادتك عايزهم من الجيوش العربية ، ولا من الأطفال العرب ،ولا من الكهول العرب ،ولا من العجائز والنساء العرب ، ولا تقصد من الملوك والرؤساء والأمراء العرب وحاشيتهم وحكوماتهم ونواب برلماناتهم ؟؟؟؟

	حدد حضرتك عايزهم من أى فئة :::::

	فكما تعلم أنه ليس هناك جيوشا عربية سوى الجيش المصرى ، وده إيدك منه والأرض وأقسموا ألا تراق قطرة دم من دماء أبنائه إلا من أجل تراب وسماء وحفظ حدود مصر ، وكفاهم ما دفعوه من دماء عبر 80 سنة من أجل فلسطين ... ولكن عندهم إستعداد يُساعدوكم فى السلام ومن قبلهم وأمامهم ووراءهم الشعب المصرى كُله ، وطبعا إنتوا مش بتوع سلام ،إنتوا عايزين بحور دماء وجبال وتلال من الجُثث تتخطفها الطير .

	يتبقى من من الجيوش العربية ؟؟؟ الأردن ليس بها ولا فيها جيش وإنما حرس عسكرى ملكى ..

	العراق -صدام خلص على الجيش بتاعها من زمان .

	سوريا - بشار الأسد قضى على الجيش بتاعها فى تدميره لأرضه وشعبه والآخر هرب منهم وعايش مُنعم فى قصور روسيا بفلوسه ....

	الخليج ما عندهمش جيش ولا يحزنون وشوية العساكر اللى عندهم بيضربوا بهم اليمن أو بياكلوا كبسة .ده حتى مخدوش بالهم لما إيران وإسرائيل ضربوا الدوحة ...معذورين تلاقيهم كانوا بيتفرجوا على مهرجان الرياض ...

	ليبيا والسودان شوية العساكر اللى عندهم نازلين رزع وطحن وقتل فى بعض علشان من منهم يصل لقصر الحكم الأول فى بلده .فلوس البترول والذهب وووووو مرمية فى الشوارع وكل فريق منهم عايز ياخدها الأول ....ثم إنهم ليسوا جيوشا نظامية دول بس لابسين لبس عساكر لكن اللى يقول لهم (بخ ) حيبخوا على طول فما تتغرش فيهم .

	المغرب العربى ( تونس والمغرب والجزائر ) مش فاضيين وشاغلين نفسهم وجيوشهم المحدودة للغاية بصراع الصحراء والبوليساريو..ومشغولين إزاى يضربوا بعض وبيجهزوا لحرب طاحنة بينهم وبين بعض ....

	شوفت محدش فاضى يا سحس .

	تكونشى عايز الشعوب تيجى ترمى نفسها على خط النار صفوف كده وإسرائيل تخلص عليهم صف صف زى ما حماس بتعمل فى الفلسطينيين ؟؟

	لو ده اللى انت عايزه فلتبدأ بنفسك وعائلتك وبرلمانك وعشيرتك ،ومفيش أى موانع بين الأردن وإسرائيل ...هلُم يا رجُل تقدم الصفوف مستنى إيه ؟؟

===

	جتها نيلة اللى عايزة خلف زيكم ........ كفاية بقى متاجرة بدماء الفلسطينيين ربنا ينتقم منكم ...

	ساعدوهم على السلام ، وعلى ثقافة الحياة ،وعلى معرفة عدوهم الحقيقى (حماس وحزب الشيطان وإيران والحنجوريين الناصريون القومجيون العرب) ...

	حافظوا على فلسطين وأطفال فلسطين ومستقبل فلسطين وشعبها بالسلام ....

	روح نام وإتغطى وكل مقلوبة فى بهو البرلمان يا حسين وإبعد عن الفلسطينيين الله يرضى عليك . ههههههههههههههههه

اجمالي القراءات 301

للمزيد يمكنك قراءة : اساسيات اهل القران

أضف تعليق

لا بد من تسجيل الدخول اولا قبل التعليق

بطاقة عثمان محمد علي

تاريخ الانضمام	:	2006-07-24
مقالات منشورة	:	1024
اجمالي القراءات	:	7,693,846
تعليقات له	:	6,497
تعليقات عليه	:	2,743
بلد الميلاد	:	Egypt
بلد الاقامة	:	Canada