سينما ببلاش للى عايز
مشاهد من أفلام لم تُصنع بعد
نص درامى قصير من فكرة فيلم اجتماعى عن معنى الصدقة… وهل يحتاج الإنسان المال فقط، أم يحتاج أحيانًا أن يشعر أن له أهلًا ما زالوا يتذكرونه؟
هو الأغنيا بقوا ياخدوا لحمة صدقة كمان؟
— أنا مش باديله علشان ياكل… أنا باديله علشان يفضل أخويا.
=
سامح رجل موظف من الطبقة فوق المتوسطة ،وقرر كعادته أن يذبح أُضحية ، ويوزعها ،وقرر أن يُعطى إخوته الأغنياء منها .فكان هذا الحوار بينه وبين عائلته الصغيرة ،وبينه وبين إخوته الأغنياء .
سامح : بيكتب أسماء على أوراق صغيرة ويلزقها على أكياس لحمة لتوزيعها .
إبنه كريم: إيه ده يا بابا عاملها زى كشوف المرتبات ؟؟ هههههه
زوجته هالة : المهم الفقراء الأول .
سامح : نعم أكيد ::
هالة: أنت كاتب إسم إخواتك الدكاترة كمان ؟؟
سامح : أه ، وفيها إيه ؟؟
كريم : ساخرا هم الأغنياء بياخدوا لحمة صدقة كمان ؟؟
سامح : هى كل حاجة الفلوس ؟؟؟
هالة: يعنى إيه تدى واحد دخله فى الشهر قد مرتبك فى سنة ؟؟
سامح : أنا مش بأديله علشان ياكل .
كريم: أمال علشان إيه ؟؟
سامح: علشان يفضل أخويا .
فيصمت الجميع من وقع الرد عليهم .
سامح: نزل يوزع أكياس اللحمة على الجيران والفقراء .ثم وقف أمام عمارة فخمة يسكن فيها أخوه الدكتور ........
كريم: بابا :: هو إحنا داخلين هنا بجد ؟؟
سامح : أه .
سامح يطرق باب شقة أخوه الدكتور شريف :
الدكتور شريف: فتح الباب ويُفاجىء بأخيه سامح .
سامح : يبتسم ويقول قلت أعدى أعيد عليك وأجيب لك نصيبك من اللحمة .الدكتور شريف: يضحك بحرج ويقول :: أنت لسه فاكر الحاجات دى ؟؟
سامح: وأنت نسيت ولا إيه يا شريف ؟؟
شريف: ينظر لكيس اللحمة ::: كيس اللحمة فكرنى بعمر وزمن أفتقده كثيرا من كثرة الشغل ودوامة الحياة ..
سامح: ينظر لشريف ويرى فى عينيه دموع على وشك التساقط ، وفى: نبرة صوته حُزن دفين ووحدة قاتلة يعيشها رغم صخب الشهرة التى يحظى بها ، والأموال التى يمتلكها والرفاهية التى يعيش فيها .
الدكتور شريف : دخل غرفة المكتب وجاب باكو فلوس من فئة ال100 جنيه وأعطاه عيدية لكريم حوالى (10 الاف جنيه) .
كريم : رفض أكتر من مرة .
الدكتور شريف : إحتضنه وقال له عيب ترفض عيدية من أبوك ، أنا أبوك يا واد . مش كده ولا إيه يا سامح ؟؟
سامح: بص لكريم وقال له خدها ده أبوك التانى يا كريم ،وكبيرنا يا حبيبى . فأخدها وشكر عمه وإجتضنه مرة تانية .
سامح: استأذن من شريف ..ونزلهو وإبنه كريم وذهبا لأخته الدكتورة منى .
سامح: يضرب جرس باب فيلتها.
الدكتورة منى: تفتح الباب وتُرحب به ، وخرج أولادها وزوجها معها للترحيب به هو وكريم ....
سامح: أعطاها كيس اللحمة .
منى: تمسك كيس اللحمة وتضحك وتقول (سبحان الله ريحة بيت أبونا وأُمنا فيه يا سامح : ربنا ما يحرمنى منك ولا من مجايبك ..
دى أغلى حاجة جت لنا النهاردة مجيئك انت وكريم ومعكم كيس اللحمة ، ثم تحتضنه مرة أُخرى حُضن فيه ذكريات ورائحة زمن 50 سنة مضت).
سامح وكريم: إستأذنوا بعد جلسة خفيفة مع منى وأولادها مابين إستعادة ذكريات وهزار وضحك وعيديات من سامح لأولاد أخته ، وعيدية وساعة قيمة من الدكتورة منى لكريم .
سامح وعائلته بالليل على العشاء .
كريم : يسأل والده يعنى الصدقة مش بس علشان الجوع ؟؟
سامح: الجوع أنواع ..
كريم: إزاى ؟؟
سامح : فى جوع للأكل ، وفى جوع للإهتمام ، وفى جوع لمحبة وود وتواصل الأهل .
أحيانا زيارة بكيلو موز ،او كيس لحمة ،او تهنئة فى نجاح أو فرح ب100جنيه ترجع عيلة كبيرة كاملة لبعض من تانى..
لو كل واحد افتكر إن الناس مش محتاجة فلوس بس...يمكن قلوب كتير كانت هتفضل عايشة.
==
دى فكرة فيلم قصير أو عمل درامى قصير يمكن البناء عليها .
و بالتوفيق لمن يراها صالحة للتحويل إلى عمل فنى.